Gschlaik und Gschtelaasch
Alemannische Gedichte im St. Galler Dialekt

Erwin Messmer

Gschlaik und Gschtelaasch

Immer hätter
ä huerä Gschlaik ghaa
i simm Läbä
Aini umdi Ander
hätter apgschläppt
und jeder Zwaitä
än Goof aaggheenggt
Aber sitt öppä zwai Johr
isch nünpme loos
Si hend glob gmärkt
daser langsam apgitt
Und etz woner
eentlech solo isch
chauft dä Tubel
no ä Toppelbett
s’eerscht i sim Läbä
än uuhuerä Gschtelaasch
i siner chlinä Wonig
i dem Saupuff
und i sim Aalter
Aber s’hätt
ums Väreckä
mösä sii
För all Fäll
saiter

(In etwas gekürzter Form erschienen in Der Bund, am Freitag, 27. Mai 2011)